حلم جديد بيتولد… وخطوات جديدة بتقربنا من حلمنا

زي ما عودناكم في جمعية الثمرات الخيرية، بنحب نشارككم كل جديد عن تطورات مشروع وقف النخيل الخيري “Palm Oasis”. الحمد لله، المشروع بيخطو خطوات كبيرة، وكل يوم بنقرب أكتر من تحقيق حلمنا.

بالنسبة لاستراحة العمال، الحمد لله انتهينا من تصنيع الأبواب والشبابيك الخشبية، بالإضافة إلى الأبواب الخارجية الحديدية لتوفير الحماية للعمال من الظروف المناخية الصعبة ودرجات الحرارة المرتفعة. كمان جهزنا السراير والمفروشات اللازمة لراحة العمال

، واشترينا كل مستلزمات التشطيب والفرش ونقلناها إلى الفرافرة، وبدأنا في أعمال التشطيب بفضل الله.

ولأن المزرعة موجودة على بعد 30 كيلومترًا من مدق البترول، المعروف باسم “طريق الخير”، اللي بيربط بين طريق الفرافرة وديروط، اكتشفنا إن ما فيش مسجد بيخدم المنطقة على مساحة حوالي 60 كيلومترًا.

فاتولد جوانا حلم جديد… “نبني مسجد جنب المزرعة”

. وبمجرد ما أعلنا عن المشروع، لقينا الإقبال على المشاركة فاق كل التوقعات، وده من كرم ربنا علينا. بدأنا بالفعل في رسم التصميمات لاعتمادها من المحافظة، وبمجرد الانتهاء من الإجراءات، هنبدأ البناء فورًا وهنسابق الزمن علشان نخلص قبل شهر رمضان المبارك. والهدف إننا نقدر نؤدي شعائر الصلاة، ونقيم إطعامًا ومائدة رحمن لعمال المزارع والأهالي بإذن الله.

كل خطوة بنخطيها وكل إنجاز بنحققه بيقربنا أكتر من حلمنا

. بتوفيق ربنا وبمساهمتكم معانا، هنقدر نحقق كل أحلامنا.

شارك باللي تقدر عليه، ولو بتبرع بسيط، هتساعدنا نحقق إنجاز كبير. “وقف النخيل الخيري”… مساهمتكم سر نجاحنا. اوقف نخلتك بإسمك، أو اسم من تحب الآن، وابدأ موسم الخير بصدقة جارية!

ترخيص جمع مال رقم 234 لعام 2024

التبرع من داخل مصر:
➊ حساب بنك مصر – فرع لوران – الإسكندرية
رقم الحساب: 4250001000008328
(متاح التبرع عبر “إنستا باي”)

➋ فودافون كاش (Vodafone Cash):
رقم: 01002061614