بالم اواسيس
لو حد حاول يبيع لك حاجة بنص تمنها، هتوافق ولا هتشُك فيه؟
يعني مثلًا، لو رايح تشتري عربية معروف سعرها مليون جنيه عند الوكيل، والوكيل بيبيعها بخصم بسيط للموزعين، بالكتير 5%. فجأة تلاقي حد بيعرضها عليك جديدة بـ 700 ألف جنيه بس! هتشُك في مين؟ في الموزع اللي بيبيعها بالسعر الرسمي، ولا في اللي بيعرضها بسعر أقل بكتير؟
أكيد هتشُك في صاحب السعر الأقل! لأن يا إما العربية مسروقة، يا إما فيها مشكلة كبيرة مش باينة. مش كده؟
لأن أهم شيء في الصدقة إنك تتأكد إنها بتروح في المكان الصح. التبرع مش مجرد فلوس بتتخلص منها وخلاص، دي أمانة في رقبتك ولازم تتحرى عنها كويس.
ليه تكلفة صدقة النخلة في “بالم أواسيس” 6500 جنيه؟
لأننا حسبنا التكلفة الحقيقية لزراعة النخلة بكل تفاصيلها:
تكلفة الفسائل والبنية التحتية (الأرض، حفر البئر، الطاقة الشمسية، مولدات الديزل، حوض الترسيب، المضخات، مواسير الأعماق، وشبكات الري، وسكن العمال).
المصروفات الجارية لمدة 4 سنوات لغاية الحصاد، مثل الأسمدة، أجور العمال، الاستشاريين، والمهندسين.
تكلفة استبدال الفسائل التالفة في أول 4 سنوات (10-15% من إجمالي الفسائل).
ومع إن تكلفة الزراعة زادت عن سنة فاتت، إحنا حافظنا على نفس سعر الصك، والفرق بيتحمله أعضاء مجلس الإدارة
طيب، لو حضرتك مش متخصص في الزراعة، إزاي تتأكد من تكلفة زراعة النخلة؟
بسيطة! ابحث على جوجل عن “استثمارات زراعية في النخيل المجدول”.
هتلاقي شركات بتتيح لك المشاركة في الاستثمار بالفدان. الفدان الواحد فيه 60 نخلة مجدول. اسأل عن سعر الفدان واقسمه على 60، وهتعرف تكلفة النخلة الحقيقية.
أقل استثمار للفدان أكتر من 400 ألف جنيه، يعني تكلفة النخلة الواحدة أكتر من 6600 جنيه!
بعض الشركات بتبيع الفدان بـ 480 ألف جنيه، يعني النخلة بـ 8000 جنيه!
وهناك شركات أخرى بأسعار أعلى كمان!
يعني ببساطة، تكلفة النخلة عندنا هي التكلفة الواقعية
جمعية الثمرات الخيرية المالكة لـ وقف النخيل الخيري – بالم أواسيس قائمة منذ عام 2003، يعني ليها 22 سنة في العمل الخيري.
والتبرعات عندنا بتروح بالكامل للخير، لأن مصاريف الجمعية بيتحملها أعضاء مجلس إدارتها من جيبهم الشخصي، عكس أغلب الجمعيات اللي بيُسمح لها قانونًا تخصيص نسبة من التبرعات لإدارة الجمعية تصل الى 20%، لكن إحنا قررنا إن كل جنيه متبرع بيه لازم يروح 100% للأعمال الخيرية.
صدقاتكم أمانة في أعناقكم وأعناقنا.. انفقها في وجهها الصحيح
